Les llendes alministratives y la identidá

18/02/2010 a les 13:00:00 - Archivao en: politica

Únviame Policarpo Mencía un artículu del mio amigu Paco Fernández Rei, publicáu na web gallega Rede Escarlata. Abúltame mui interesante cómo dende'l nacionalismu cultu gallegu se ta modulando un discursu que facía de la negación de lo asturiano esencia ideolóxica y bien sé que nesti cambiu d'opinión, que tien muncho d'estratéxico, pesa la madurez y credibilidá del movimientu de recuperación llingüísticu n'Asturies; aquelles reuniones en Ribadeo, propiciaes pola Universidá de Vigo na Escuela Fermín Penzol, foron de dalguna manera la espita d'una bomba que va acabar españando, la bomba del entendimientu. Nun va muncho, Fernández Rei comentábame per carta lo muncho qu'almiraba los trabayos de la l'Academia de la Llingua Asturiana.


Más allá de la cuestión del gallego-asturianu, gallegu d'Asturies, eonaviegu o como quiera llamase –vaiga per delantre'l mio respeutu y almiración a tolos que defenden eses fales gallego-portugueses, dende la perspectiva que sía–, ta la cuestión chocante de les llendes alministratives y como éstes acaben conformando cuando menos una parte de la identidá. Esto, que ye obvio pa les llendes históriques, tien una vis cuasi cómica nel casu de la comarcalización atrabiliaria y falsa que se fixo n'Asturies, ayena a les razones históriques y llingüístiques, a la orografía, a los movimientos de la microeconomía o al sentíu común. L'alcalde de Valdés dicíame, va tiempu, que los responsables técnicos del Principáu nun entendieran el conceptu de caída: una comarca ye esi espaciu onde la xente va a casar; argumentaba d'esta manera que Valdés tuviera na comarca del Navia-Eo, mentes que Tinéu taba na del Narcea, yera dalgo que traía munchos problemes cotidianos. La comarcalización d'Asturies ye un auténticu disparate qu'habría tener la so crítica reflexiva dende l'asturianismu. Va un añu ríame yo d'un concursu n'«asturianu oriental» que se convocaba nel Infiestu de Piloña.
¿Fálase n'asturianu oriental en Piloña? ¿Dende cuándo?

Dexa'l to comentariu

Dexa'l to comentariu nesta entrada. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

En cumplimientu de lo estipulao na Llei Orgánica 15/1999, de 13 d'avientu de Protección de Datos de Carácter Personal (LOPD), y demás llexislación que sía d'aplicación y/o sustituya aquella, toa información recibida na web, al traviés de consultes, unviu de datos, o cualquier otru mediu, va tratase cola más estricta y absoluta confidencialidá. Los datos de carácter personal que s'obtuvieren al traviés de la web van tener la protección que ye menester pa evitar que s'alterien, pierdan, traten o accedan a ellos ensin autorización.

 
El to nome El to e-mail El to comentariu Códigu antispam