Naturaleza
21/07/2010 a les 15:17:12 - Archivao en: marco villabrillenaturalezaEl comportamientu caóticu y desordenáu de la naturaleza ye una oportunidá magnífica pa provocar dende la fotografía una imaxe repentina o sutilmente aburuyada.
Potenciando, por casu, les traces y caracteristiques d'un paisaxe natural, podemos amosar sensaciones y idees que'l mesmu mediu nun nos dexa facer in situ. El color, testura y detalle d'esta imaxe convierte un fugaz viaxe nun llugar onde detenese a imaxinar.
Anque la técnica pa mi ye ineludible pa sacar una bona fotografía, esta vez la imaxe foi un regalu de los árboles y los montes a una apasionante conversación de miraes.
Al cedru azul
Comentarios fechos (2)
Berto Fecha: 28/07/2010 a les 13:23:34
Esta semeya provócame muncha inquietú. Por un lláu atraime esa naturaleza azulada y fría, por otru dame bastante mieu. Tengo la sensación de que ye un fotograma d'una película y que daqué importante pasó o ta a puntu de pasar nesi escenariu...
Henrique Fecha: 22/07/2010 a les 14:19:51
Guapa y suxerente esta conversación de miraes. Ún puede sentir la ventorada fría xubiendo pel pechu arriba enfrescando la mente y, al mesmu tiempu, el calor envolviéndolu alredor como un mantu. Munches gracies por estes imáxenes, Marco.
