Tenemos razón, y puntu
13/10/2011 a les 10:30:27 - Archivao en: ActualidáPos non; les coses nun furrulen asina: nun basta con tener razón. Pa consiguir resultaos positivos, en cualquier campu de la vida, ye fundamental –aparte de tener razón y un migayín de suerte– acertar na estratexa y trabayar duro. Y si, pa enriba, falamos de política, o d’asuntos con trescendencia pública, esta afirmación tenemos que la llevar a categoría de dogma.
Un exemplu: esti periódicu nel qu’escribo –LES NOTICIES– cumple quince años. Llevamos quince años teniendo razón... pero ¿importa eso? Pos, la verdá, non; porque lo importante, repito, nun ye namás tener razón: ye acertar nel camín y aneciar pa con ello.
Otru exemplu: dende les últimes elecciones, soi conceyal en Noreña y esta selmana d’atrás volví a veme nuna tesitura d’esti tipu: nuna contradicción ente razón y eficacia. Los compañeros de Conceyu Abiertu presentaron una moción pa esixir al alcalde que tomara una serie de midíes en defensa del asturianu. Yo, tar, taba d’alcuerdu col fondu del asuntu. ¿Cómo nun lo voi tar? ¿Cómo nun voi tar a favor de la defensa del asturianu? ¿O qué ye, que tengo qu’andar enseñando ceritificaos de bona conducta asturianista a estes altures? Y, igual que yo, el mio grupu políticu. Porque –que naide s’enquivoque– Foru Asturies tamién ta a favor de la defensa del asturianu.
Pero’l problema nun ye ési. El problema ye que, tal como-y dixi tres veces y hasta l’últimu momentu al portavoz de Conceyu Abiertu, había defectos evidentes na propuesta. Defectos qu’aconseyaben retirala, refacela, negociala, presentala en comisión y, depués, consiguir aprobala en plenu, pero non como una simple moción, sinón como un auténticu reglamentu o unes ordenances que regularen l’usu del asturianu na Casa Conceyu d’equí pa en delantre. Pero nada d’eso se fixo. Al revés, decidióse siguir alantre cola moción. Y, claro, nun pasó la primer peñera. Yo nun m’opunxi –abstúvime–, pero da igual: si llega a aprobase, tampoco nun diba valir pa nada. Y nun diba valir pa nada –aparte de pa enseñar cuánta razón tenemos– porque, insisto, pretendía un imposible: pretendía obligar al alcalde a facer una serie de coses (llamar por teléfonu a Ana Cano, nomar a tres conceyales como intérpretes voluntarios, usar un traductor d’Internet...) a les que nun lu podemos obligar vía plenu. Aparte de llamalu autoritariu y intransixente. Y aparte d’apoyase na Llei d’Usu, que –a ver si nos vamos enterando– nun obliga a les Alministraciones locales nin a la central: obligar, obliga namás a l’Alministración autonómica.
Por too eso digo, con tol respetu y con tol cariñu, que vamos mal perdiendo batalles por mirar namás pa tola razón que tenemos y nun ser a atender les demás cuestiones necesaries. Y otru día, si parez bien, esplico cómo podemos arreglar esto.
Comentarios fechos (1)
ENFABADO Fecha: 21/10/2011 a les 13:49:37
Este comentario lo hago en castellano porque soy uno de los muchos Asturianos que hemos sido maltratados en nuestra educación primaria (en mi caso E.G.B.) y nos expresamos en Asturiano tan bien como muchos Irlandeses se expresan en Gaélico... Es de aplaudir la pluralidad que existen en las columnas de opinión en la edición impresa de Les Noticies pero una cosa es ser plural y otra poner la otra mejilla. Lo digo en relación al artículo del ilustrísimo iluminado Rafa Palacios (I have a nightmare) que se cree que el dinero público cae del cielo, que sólo él es el único representante democrático asturiano (aunque no le vote ni Dios) y que se dedica a insultar a todos los asturianos que hemos dado nuestro voto a Foro. Cuando estaba en coalición con el Señor Areces bien que estaba con la boca cerrada. No me preocupa el fondo del artículo sino la forma y su título: "FUCK (fac) YOU". Lo gracioso es que seguro que al mismo tiempo anda por ahí defendiendo a Otegui como hombre de paz, nosotros somos nazis porque ya se sabe que gasear a millones de judios y sanear las cuentas públicas es lo mismo. Y seguramente es una violación de los derechos humanos por ejemplo el privar al pueblo asturiano de la retransmisión de la Fórmula 1 con comentarios autóctonos (aún no consigo comprender como no hemos sido llevados al Tribunal de la Haya...). Espero que ese artículo tenga bien pronta respuesta como sólo su editor jefe es capaz de llevarlo a cabo, con buenas maneras, objetividad y un poquiñín de ironía. Yo ya tengo la sangre demasiado cuajada como para mantener las buenas formas.
